Cada vez son máis os noivos que optan por vodas máis informais, sen protocolos. O Fogar do Santiso leva anos organizando vodas únicas que emulan as grandes romarías da antiga tradición galega.
Nunha ruína, na praia, no bosque ou no xardín da túa casa. Calquera lugar préstase para converterse no escenario dunha voda diferente e memorable. Unha “voda máxica“. Así se chaman os actos organizados polo Fogar do Santiso, unha empresa que valora a tradición rural galega a través da organización de vodas coas que se busca emular os grandes banquetes da tradición campesiña galega.
