Novo salto do Fogar do Santiso. O Ministerio de Industria, Comercio e Turismo incluíu ao colectivo galego como exemplo na súa guía de boas prácticas para a aplicación da economía circular no sector turístico.
E é que a firma con sede en Teo foi a única do sector da restauración que recibiu a invitación para participar na publicación desta guía que foi elaborada pola SEGITTUR (Sociedade Mercantil Estatal de Xestión da Innovación e Tecnoloxías Turísticas). Durante o acto, o Fogar do Santiso compartiu protagonismo con entidades como Iberostar, o Consell de Mallorca, o Parque Tecnolóxico Ambiental de Mallorca e o hotel Abadía Retuerta LeDomaine.