Quen non coñece os establecementos da empresa familiar Fogar do Santiso? Pois grazas a súa copropietaria, o festival Delas Fest de 7H Cooperativa Cultural puido coller impulso dende a súa sede teense para unha cuarta edición que chegará do 6 ao 21 de xuño a Santiago, Ames, Brión e Teo. E alí, nunha das súas paredes, un gran mural reivindicativo comezou a abrir a boca deste foro de arte urbana. A porta á colaboración abriuse porque, como sinala Chus Vázqez, hai unha confluencia de intereses á hora de apostar polo rural e, de paso, visibilizar as mulleres. Un mecenado bastante integrador para tempos que o demandan. M.M.
